Messages

ആശംസകൾ

പ്രവാസ ലോകത്തെ വളരെ വ്യത്യസ്തമായ ഒരു സാഹിത്യ കൂട്ടയ്മയാണ് സുരഭിലം ഗ്ലോബൽ. ബാംഗ്ലൂർ ആസ്ഥാനമാക്കി കുറെ സാംസ്‌കാരിക പ്രവർത്തകർ മൂന്നു വര്ഷം മുൻപ് ആരംഭിച്ച സുരഭിലം ഗ്ലോബൽ ഇതിനോടകം ബാംഗ്ലൂരിലെ എഴുത്തുകാരെ സംഘടിപ്പിച്ച്‌ രണ്ടു സർഗ്ഗ സ്സംഗംങ്ങൾ നടത്തി, അവരുടെ പസ്തകങ്ങൾ പ്രകാശനം ചെയ്തു, അതില്ല വലിയ തോതിൽ സ്വീകരിക്കപ്പെടുകയുംഎം ചെയ്തു. ഈ വർഷം ആഗോള തലത്തിലുള്ള സർഗ്ഗ സംഗമം ആഗസ്റ് 16ന് നടത്തുകയാണ്. അതിനോടൊപ്പം ആഗോളതലത്തിലുള്ള പ്രവാസി എഴുത്തുകാരെ ചേർത്തുകൊണ്ട് ഒരു വലിയ വെബ്സൈറ്റ് ആരംഭിക്കുകയാണ്. എഴുത്തുകാരിൽ നിന്ന് യാതൊരു പ്രതിഫലവും സ്വീകരിക്കാത്തയാണ് ഈ വെബ്സൈറ്റ് തയ്യാറാക്കുന്നത്.200ൽ അധികം വരുന്ന പ്രവാസി മലയാളി എഴുത്തുകാരുടെ ലഘു ജീവ ചരിത്രവും, ഫോട്ടോയും, അവരുടെ രചനകളുടെ വിവരങ്ങളുമടങ്ങുന്നതാണ് ഈ വെബ്സൈറ്റ്. എഴുത്തുകാരെ സഹായിക്കുകയെന്നല്ലാതെ ലാഭേച്ഛയോടുകൂടിയ ഒരു പ്രസ്ഥാനമല്ല ഇതെന്ന് കഴിഞ്ഞ രണ്ടു വര്ഷങ്ങളിലും നടന്ന സർഗ്ഗ സംഗമത്തിൽപങ്കെടുത്ത എനിക്ക് ബോധ്യമുണ്ട്.

പ്രവാസി എഴുത്തുകാരെ മലയാളത്തിൽ വേണ്ടവിധത്തിൽ ശ്രദ്ധിക്കപ്പെടുന്നില്ല എന്ന കാരണത്താൽ അവർ അർഹിക്കുന്ന അംഗീകാരം നേടിക്കൊടുക്കാനുള്ള ആത്മാർഥമായ പരിശ്രമമാണ് സുരഭിലം ഗ്ലോബലിന്റെ പ്രവർത്തകർക്കുള്ളത്. ഞാനും ഈ പ്രസ്ഥാനത്തിനോടൊപ്പമുണ്ട്. സുരഭിലം ഗ്ലോബലിന്റെ എല്ലാ പ്രവർത്തനങ്ങൾക്കും എന്റെ ഹൃദയപൂർണമായ ആശംസകൾ.

ആലങ്കോട് ലീലാകൃഷ്ണൻ