കണ്ണൂർ ജില്ലയിലെ കുറ്റ്യാട്ടൂർ സ്വദേശിയാണ്. കഴിഞ്ഞ ഇരുപത് വർഷത്തിലേറെയായി ബാംഗ്ലൂരിൽ സ്ഥിരതാമസമാണ്. ഇലക്ട്രിക്കൽ എൻജിനീയറിംഗ് ബിരുദധാരിയാണ്.ഇപ്പൊൾ ബാംഗ്ലൂരിലെ QuEST Global- ലിൽ ടെക്നിക്കൽ ലീഡായി പ്രവർത്തിക്കുന്നു.

വർഷങ്ങളായി സോഷ്യൽ മീഡിയയിലും ആനുകാലിക പ്രസിദ്ധീകരണങ്ങളിലുമായി സാഹിത്യരചനയിൽ സജീവമാണ്. ചെറുകഥയാണ് ഏറ്റവും പ്രിയപ്പെട്ട രചനാമേഖല. ബാംഗ്ലൂരിൽ സംഘടിപ്പിക്കപ്പെടുന്ന വിവിധ കലാ-സാഹിത്യ കൂട്ടായ്മകളിലെ സജീവ സാന്നിധ്യവുമാണ്.

കൈരളി ബുക്സ് പ്രസിദ്ധീകരിച്ച “രജത രേഖകൾ” ആണ് ആദ്യ കഥാസമാഹാരം. ശ്രദ്ധേയ എഴുത്തുകാരൻ പി. സുരേന്ദ്രൻ അവതാരിക എഴുതിയ ഈ കൃതി രണ്ടാം പതിപ്പിലെത്തി. ഈ സമാഹാരത്തിന് മികച്ച ചെറുകഥാസമാഹാരത്തിനുള്ള ഡോ. പൽപ്പു മെമ്മോറിയൽ സാഹിത്യ പുരസ്‌കാരം ലഭിച്ചിട്ടുണ്ട്.

ബാംഗ്ലൂർ സാഹിത്യവേദി പ്രസിദ്ധീകരിച്ച “കഥാനഗരം”, “കഥ കവിത ബാംഗ്ലൂർ” എന്നീ സമാഹാരങ്ങളിലും പ്രമുഖ ആനുകാലികങ്ങളിലും ഓൺലൈൻ മാധ്യമങ്ങളിലും കഥകൾ പ്രസിദ്ധീകരിച്ചിട്ടുണ്ട്. പുസ്തകനിരൂപണവും സിനിമാനിരൂപണവുമാണ് പ്രധാന വിനോദങ്ങൾ 

കുടുംബം: ഭാര്യ പൂർണിമ സോഫ്റ്റ്‌വെയർ എൻജിനീയറാണ്. മകൻ ആര്യൻ രജത് ഏഴാം ക്ലാസിൽ പഠിക്കുന്നു.