തൃശൂർ ജില്ലയിലെ മാളയ്ക്കടുത്ത മേലഡൂർ സ്വദേശിയാണ്. 1995-ൽ ജോലിസംബന്ധമായി ബംഗളൂരിലെത്തി സ്ഥിരതാമസമാക്കി. കാലിക്കറ്റ് സർവകലാശാലയിൽ നിന്നും ധനതത്വശാസ്ത്രത്തിൽ ബിരുദവും കേരള സർക്കാരിന്റെ ഡിപ്ലോമ ഇൻ ഇലക്ട്രോണിക്സ് ആൻഡ് കമ്മ്യൂണിക്കേഷൻ എൻജിനീയറിംഗും നേടി. കൂടാതെ കേരള സർവകലാശാലയിൽ ഇംഗ്ലീഷ് ലാംഗ്വേജ് ആൻഡ് ലിറ്ററേച്ചറിൽ ബിരുദാനന്തര പഠനവും പൂർത്തിയാക്കി. സാഹിത്യരംഗത്തും സജീവ സാന്നിധ്യമായ അദ്ദേഹം “സത്യദീപം” മാസികയിൽ കഥകൾ പ്രസിദ്ധീകരിച്ചിട്ടുണ്ട്. യുവജനോത്സവങ്ങൾക്കായി നാടകങ്ങൾ രചിച്ചിട്ടുള്ള അദ്ദേഹം കലാസാഹിത്യ പ്രവർത്തനങ്ങളോടുള്ള താത്പര്യം നിലനിർത്തിക്കൊണ്ടിരിക്കുന്നു. തൊഴിൽരംഗത്ത് പ്രമുഖ ഭക്ഷ്യഎണ്ണ നിർമ്മാതാക്കളായ കെ.പി.എൽ ഓയിൽ മിൽസ് (പ്രൈ.) ലിമിറ്റഡിന്റെ സോണൽ മാനേജരായി പ്രവർത്തിക്കുന്നു. സാഹിത്യവും തൊഴിലും ഒരുപോലെ സമന്വയിപ്പിക്കുന്ന വ്യക്തിത്വമാണ് ജെൻസൻ നെല്ലിശ്ശേരി.