ശ്രീമതി ഗിരിജ ഉദയകൃഷ്ണ മേനോൻ, ഗിരിജ “മുന്നൂർകോഡ്” എന്ന പേരിൽ മുംബൈയിൽ സുപരിചിതയാണ്. ഭർത്താവ് ശ്രീ ഉദയൻ. മക്കൾ ഗോകുൽ, ഗോപിക. മരുമക്കൾ സുപ്രിയ, ശ്രീജിത്ത്. കൊച്ചു മകൻ ക്രിയാൻഷ്. മകൻ മുംബൈയിൽ തന്നെയാണ്. ശ്രീ ഉദയൻ താനെയിൽ ജോലി ചെയ്യുന്നു. മകളും മരുമകനും ബാംഗ്ലൂരിലാണ് താമസം. മകൾ HP-യിൽ ജോലി ചെയ്യുന്നു; ശ്രീജിത്ത് Deloitte-ലാണ്. ഗിരിജ കൈരളി ടിവിയുടെ “അംചി മുംബൈ” പരിപാടിയുടെ കോർഡിനേറ്ററും റിപ്പോർട്ടറുമാണ്. മറുനാടൻ മലയാളികളുടെ വിശേഷങ്ങളുമായി എല്ലാ ശനിയാഴ്ചയും വൈകിട്ട് 4.30 മുതൽ 5.30 വരെ കൈരളി ന്യൂസിലൂടെ ഗിരിജയും സംഘവും നിങ്ങളുടെ സ്വീകരണമുറിയിൽ എത്തുന്നു. ഇനിയുള്ള പരിപാടികൾ നമ്മൾ ഒരുമിച്ച് കാണാം. മുംബൈയിൽ ജനിച്ച ഗിരിജ നാട്ടിൽ പഠിച്ചു. 20-ാം വയസ്സിൽ അച്ഛനൊപ്പം മുംബൈയിലേക്ക് എത്തി. തുടക്കത്തിൽ ബാങ്കിംഗ് മേഖലയിൽ ജോലി ചെയ്തിരുന്നെങ്കിലും പിന്നീട് അത് ഉപേക്ഷിച്ച് ജേർണലിസം തിരഞ്ഞെടുക്കുകയായിരുന്നു. ലേഖനങ്ങൾ, കഥകൾ, കവിതകൾ എന്നിവ എഴുതുന്നതിലും സജീവമാണ്.