ഹരിപ്പാട് – മുട്ടം (ആലപ്പുഴ) സ്വദേശിയായ എസ്. കെ. നായർ കഴിഞ്ഞ അഞ്ച് പതിറ്റാണ്ടുകൾക്കുപരിയായി ബംഗളൂരു നഗരത്തിലുള്ള പ്രമുഖ സാംസ്കാരിക പ്രവർത്തകനും എഴുത്തുകാരനും വിദ്യാഭ്യാസപ്രവർത്തകനുമാണ്. ഇന്ത്യൻ ടെലിഫോൺ ഇൻഡസ്ട്രീസ് (ITI Ltd) ലെ മുൻ ഉദ്യഗസ്ഥനായിരുന്ന അദ്ദേഹം ഗാർഡൻ സിറ്റി യൂണിവേഴ്സിറ്റിയുടെ ചീഫ് അഡ്മിനിസ്ട്രേറ്റർ പദവി ഉൾപ്പെടെ നിരവധി പ്രമുഖ വിദ്യാഭ്യാസ സ്ഥാപനങ്ങളുടെ അമരക്കാരനായിരുന്നിട്ടുണ്ട്. കേരള സമാജം ബംഗളൂരുവിന്റെ ജനറൽ സെക്രട്ടറിയായും, കേരള സമാജം ദൂരവാണിനഗറിന്റെ പ്രസിഡന്റായും പ്രവർത്തിച്ചിട്ടുണ്ട്. മലയാളി എഴുത്തുകാരുടെ ആഗോള കൂട്ടായ്മയായ സുരഭിലം ഗ്ലോബൽ സ്ഥാപിച്ച് എഴുത്തുകാരുടെ സഹകരണ മേഖലകളിൽ സജീവമായി ഇടപെടുന്നു.