ബാംഗ്ലൂരിൽ കുടുംബസമേതം താമസിക്കുന്ന ബിസിനസുകാരിയും സാഹിത്യപ്രവർത്തകയുമാണ്. പത്തനംതിട്ട ജില്ലയിലെ തിരുവല്ല സ്വദേശിനിയായ അവർ കഴിഞ്ഞ നാല്പത് വർഷമായി ബാംഗ്ലൂരിൽ സ്ഥിരതാമസമാക്കി കെട്ടിടനിർമാണ രംഗത്തെ പ്രമുഖ വ്യവസായിയായി പ്രവർത്തിച്ചുവരുന്നു. സ്കൂൾ, കോളേജ് കാലം മുതൽ വായനയോടും എഴുത്തിനോടും ആഴത്തിലുള്ള താൽപര്യം പുലർത്തിയ ലതാ നമ്പൂതിരി, ജീവിതത്തിന്റെ തിരക്കുകൾക്കിടയിലും അക്ഷരലോകത്തോടുള്ള ബന്ധം നിലനിർത്തി. എട്ടാം ക്ലാസിൽ എഴുതിയ നാടകമായിരുന്നു ആദ്യ രചന. പിന്നീട് കോളജ് മാഗസിനുകളിലും എഴുതിയിട്ടുണ്ട്. ഇപ്പോൾ വീണ്ടും വായനയിലും എഴുത്തിലും സജീവമാണ്. സാമൂഹികരംഗത്തും സജീവ സാന്നിധ്യമായ അവർ ഓൾ ഇന്ത്യ മലയാളി അസോസിയേഷൻ (AIM) കർണാടക സംസ്ഥാന അധ്യക്ഷയായി സേവനമനുഷ്ഠിക്കുകയും നിലവിൽ നാഷണൽ എക്സിക്യൂട്ടീവ് കമ്മിറ്റിയിൽ പ്രവർത്തിക്കുകയും ചെയ്യുന്നു. കുടുംബജീവിതവും സാഹിത്യസ്നേഹവും സാമൂഹിക സേവനവും സമന്വയിപ്പിക്കുന്ന വ്യക്തിത്വമാണ് ലതാ കെ.എൻ.