കലാ-സാഹിത്യ രംഗത്ത് ശ്രദ്ധേയമായ സംഭാവനകൾ നൽകിയ എഴുത്തുകാരനും ഹാസ്യപ്രവർത്തകനും ഇന്ത്യൻ നാവികസേനയിലെ മുൻ ഉദ്യോഗസ്ഥനുമാണ്. തൃശൂരിൽ ജനിച്ച് പ്രാഥമിക വിദ്യാഭ്യാസം പൂർത്തിയാക്കിയ അദ്ദേഹം ബോംബെയിലും ഡൽഹിയിലുമായി തുടർവിദ്യാഭ്യാസം നേടി. ഇന്ത്യൻ നാവികസേനയിൽ 12 വർഷം സേവനമനുഷ്ഠിച്ച ശേഷം എയർ ഇന്ത്യയിൽ 25 വർഷം വിജിലൻസ്-സെക്യൂരിറ്റി മാനേജറായി പ്രവർത്തിച്ചു. 1980-ൽ ബോംബെയിൽ “റോയൽ സെക്യൂരിറ്റി സർവീസ്” സ്ഥാപിച്ചു. ബോംബെയിലും ഗോവയിലും “ഹ്യൂമർ ക്ലബ്” രൂപീകരിച്ച് നിരവധി ചിരി അരങ്ങ് പരിപാടികൾ അവതരിപ്പിച്ചു. 1995 മുതൽ ബാംഗ്ലൂരിൽ സ്ഥിരതാമസമാക്കിയ അദ്ദേഹം ഹാസ്യവേദിയുടെയും യുണൈറ്റഡ് റൈറ്റേഴ്‌സിന്റെയും സ്ഥാപക പ്രസിഡന്റാണ്. സർഗ്ഗജാലകം മാസികയുടെ പത്രാധിപരായ അദ്ദേഹം നോവൽ, കഥ, കവിത, നാടകം, ഹാസ്യം, ഇംഗ്ലീഷ് സ്മരണകൾ ഉൾപ്പെടെ ഇരുപത് പുസ്തകങ്ങൾ പ്രസിദ്ധീകരിച്ചിട്ടുണ്ട്. നിരവധി സാഹിത്യപുരസ്കാരങ്ങളും അദ്ദേഹത്തെ തേടിയെത്തിയിട്ടുണ്ട്.